كتب: أشرف محمد
قرر المهندس إسلام خالد خبير التكنولوجيا و أمن المعلومات و من أبناء محافظة الشرقية ترشحه لمجلس المحليات في دائرته أولاد صقر .
و كتب إسلام علي حسابه على موقع التواصل الاجتماعي فيسبوك ” اولا انا مبعرفش اتكلم زي السياسيين اللي شغلتهم السياسه لاني مش واحد منهم خالص ، عشان كدا هتكلم بطبيعتي العاديه ” .
و تحدث إسلام في نفس المنشور عن أن أصدقائه طلبوا منه في وقت سابق الترشح في مجلس النواب عن دائرته حيث كتب “مجموعة كبيره من اصحابي واهلي واهل بلدي طلبوا مني قبل كدا اجرب واخوض تجربة انتخابات مجلس النواب” .
و واصل إسلام كلامه في منشوره علي فيسبوك أنه رفض طلب أصدقائه لانه لا يحب الدخول في شيء بدون أن يفوز به و أنه لم يفعل شيء لدائرته حتي الان لكي يصوت الناس لي فكتب”بس لاني مبعرفش ادخل في حاجه واخسرها فقولت اني مينفعش ادخل جولة زي اللي فاتت دي لاني مش معروف في الدايرة كلها ومعملتش حاجه في دايرتنا تخلي الناس تقف معايا” .
و استكمل إسلام الكلام عن أنه سوف يعد نفسه لهذه الخطوة “بس وعدتهم اني ابدأ اعد نفسي للجولة الجاية بعد خمس سنوات واتعلم ازاي اخدمهم صح” .
و أوضح أنه سوف يترشح لمجلس المحليات حتي يعد نفسه للخطوة الأكبر وهي مجلس النواب “عشان كدا بعد مشاورات لقيت ان افضل مكان اتعلم فيه واقدر اخدم هو المجالس المحلية ، عشان كدا نويت ان شاء الله بعد اقرار قانون المحليات أترشح للمجلس الشعبي المحلي لمحافظة الشرقية” .
و طالب إسلام من أصدقائه و أهل دائرته أن يبدو لهه رائيهم في هذه الخطوة فكتب “والاول كان لازم اعرض الموضوع علي كل احبابي وأصدقائي عشان اللي هيوافق مش هسيبه الا لما يقف معايا لحد النهاية مفيش مفر ، ولو حد شايف ان الخطوة دي مش صحيحه يا ريت ينصحني وانا من النوع اللي بيتقبل النقد بصدر رحب جدا ” .
و قد وضع قانون الانتخابات لمجالس المحليات في العام الماضي بعد أن تم طرحه في مجلس النواب وتمت الموافقة عليه، كما وافق عليه الرئيس عبد الفتاح السيسي .
وما يخص الأعداد المطلوبة لدخول المحليات فهي (57) ألفا و(600) عضو مجلس محلى على مستوى جميع المحافظات، ففى كل قرية (24) عضوا وفى كل محافظة (24) آخرون.
و من المتوقع أن يتم الإعلان عن موعد إجراء إنتخابات مجلس المحليات خلال جلسات مجلس النواب الجديد .
