أحمد عاطف يكتب.. كل راجل واقف على رجله ف غزة هو «صلاح الدين»

اتخذ السائق الأسمر ذو الشارب الكث والصوت الإذاعي الرخيم وضع المرشد السياحي، وأغناهما عن السؤال.. هنا عين الصيرة .. واللي هناك دي البحيرة .. ودى الفسطاط الجديدة.. وكدا مقابر السيدة نفيسة.. هنااااك شارع الأشراف.. واللى جنبنا دا سور مجرى العيون.. خلاص داخلين اهوه ع السيدة عيشة.. خدوا بالكم بقى.. دى قلعة صلاح الدين.. مش محمد على .. قلعة صلاح الدين الأيوبي..

سمع الشاب السوداني اسم صلاح الدين فلم يحتمل الصمت.. قاطعه بلهجة لا ينقصها صدق الدعاء: ربنا يعيده يا أخى والله .. ربنا يعيده صلاح الدين..

يعاجله السائق بالرد: اسمع.. كل راجل واقف على رجله ف غزة هو (صلاح الدين).. يكررها مرتين وينتهي الحوار..

وصل الميكروباص محطته الأخيرة .. ابتلعتنا جميعا فوضى الميدان وتهنا في الزحام.. وبقيت كلمات السائق تدوي في رأسي : كل راجل واقف على رجله ف غزة هو (صلاح الدين)

تمت