الدكتور تامر السيد يكتب.. رأس المال جبان!

بقلم: الدكتور/ تامر السيد – الخبير المالي والاستراتيجي

رأس المال جبان.. فيه لحظة معينة تحس فيها إن السوق بقى هادي زيادة عن اللزوم.. ودا لأن المستثمرين بطلوا يسألوا الفلوس اللي كانت داخلة كل يوم بدأت تهرب علي برا من غير إعلان؟

الموضوع مش صدفة ولا أزمة مؤقتة دي طريقة رأس المال في إنه يقولك: “أنا مش مرتاح”- انا مش متطمن لك..!!

رأس المال مابيحبش الأصوات العالية ولا بيحب التغيير المفاجئ ولا يمشي في سكة مش واضحة، بص على التجارب العالمية: في 2022.

الأسواق الناشئة فقدت أكتر من 70 مليار دولار من رؤوس الأموال الأجنبية، حسب تقارير معهد التمويل الدولي (IIF).

السبب؟ الخوف من تقلبات السياسة النقدية، والتضخم، وتغير القوانين بشكل مش متوقع الأرجنتين مثلًا.. رغم إنها بتملك واحدة من أكبر الأسواق الزراعية في العالم، إلا إن التضخم اللي وصل أكتر من 100%، وغياب الاستقرار المالي، دا خلي رؤوس الأموال تهرب بسرعة في 2023 لوحدها.

حصل نزيف في الاستثمار الأجنبي المباشر بأكتر من 2.5 مليار دولار، وفق بيانات البنك المركزي الأرجنتيني.

الخوف يخلي رأس المال جبان

تركيا كمان.. بعد ما كانت بتجذب عشرات المليارات سنويًا، انخفضت تدفقات الاستثمار الأجنبي المباشر من 13 مليار دولار في 2016 لـحوالي 4.8 مليار فقط في 2023، حسب OECD وده مش لأن تركيا فقدت فرصها بس؛ لأن رأس المال مش بيحب المفاجآت وسعر فائدة بيتغير فجأة.. يخلي المستثمر يعيد حساباته.

في المقابل، دول زي السعودية والإمارات، بدأت تشوف طفرة: السعودية جذبت 30.3 مليار دولار استثمار أجنبي مباشر في 2023، وده أعلى رقم في تاريخها، حسب وزارة الاستثمار.

مش بس لأن السوق مغري، لكن كمان لأن في رؤية.. ولأن فيه إصلاحات مستمرة.. وفي قوانين بتتطور، ومناخ استثماري بيقول: “تعال واستثمر وانت متطمن”.

رأس المال بيحب الاستقرار بس كمان بيحب الجدية ولما يحس إنك ماشي في السكة الصح.. هيكمل سكته معاك لأن اللي بيحصل دلوقتي مش عشان يخوفنا ولا أزمة هي فرصة.. فرصة إننا نعيد ترتيب البيت ونخلي السوق مش بس جاذب.. لكن كمان مطمئن لأن المشكلة مش في هروب رأس المال وبس- المشكلة ازاي تقدر ترجعه تاني- وتبني الثقة بينكم؟