أعلن تطبيق النقل التشاركي المصري إيجي كاب، عن فتح باب التسجيل الرسمي للكباتن والسائقين والركاب، ليكون بديلاً محليًا قويًا للتطبيقات العالمية.
المهندس عمرو حرفوش، المؤسس والمدير العام للتطبيق، قال في مداخلة حصرية لبرنامج وطن رقمي على قناة الحدث اليوم:
“من بكرة هنبتدي تسجيل السائقين والعملاء، والتطبيق متاح دلوقتي على أندرويد وiOS، وأي مستخدم يقدر يسجّل ويستفيد بخدماتنا”.
تطبيق مصري 100%.. عمولة صفر وشفافية كاملة في الأسعار
أكد حرفوش أن تطبيق إيجي كاب مصري بالكامل ويعتمد على فكرة مختلفة لمنافسة التطبيقات العالمية. وأضاف:
“الميزة الأكبر إن العمولة بتاعتنا صفر.. المبلغ اللي هيدفعه الراكب هو نفسه اللي هيستلمه الكابتن من غير خصومات. الشفافية دي هتخلي الكابتن مطمّن، وكمان العميل عارف السعر بشكل واضح”.
كما أوضح أن التطبيق يهتم بتقديم حوافز وتأمين صحي ومساعدة علاجية للكباتن، بجانب خدمات دعم الطريق عند الحاجة.
من ثم كشف المدير العام أن الأمان من أولويات التطبيق، وقال:
“إحنا عندنا نظام أمان وتتبع كامل للرحلات باستخدام الذكاء الاصطناعي، وقريب كمان هنضيف نظام كاميرات داخل العربيات لمزيد من الأمان للركاب والكباتن”.
وأضاف أن التطبيق يحتوي على زر استغاثة للطوارئ، بحيث يقدر الكابتن أو الراكب يلجأ له في أي موقف غير آمن.
دعم فني على مدار الساعة
من جهة أخرى أكد حرفوش أن الشركة وفرت فريق دعم فني متكامل يعمل 24 ساعة طوال أيام الأسبوع، لخدمة الكباتن والعملاء. وقال:
“الدعم الفني شغال 24/7، وده مش كلام.. دي خدمة حقيقية هدفها نحل أي مشكلة فورًا ونخلي تجربة الرحلة أكثر أمانًا وراحة للطرفين”.
وجه المدير العام رسالة مباشرة، قال فيها:
“إحنا بنناشد الناس يستخدموا تطبيق إيجي كاب، لأنه مصري 100% وبيوفر أمان وشفافية في الأسعار وحماية للطرفين. هدفنا إننا نكون بديل حقيقي ووطني للتطبيقات العالمية”.
كما أوضح أن أي شخص يمكنه تحميل التطبيق فورًا من خلال QR Code أو من المتاجر الرسمية، والتسجيل سواء كراكب أو كابتن.
