بالفيديو: كريستال مايند تكشف لـ«وطن رقمي» تفاصيل إطلاق أول برنامج مصري سحابي لإدارة المطاعم خلال مشاركتها في كافكس 2025
في مداخلة هاتفية مع برنامج وطن رقمي على قناة الحدث اليوم، كشف المهندس تامر محمد، نائب رئيس مجلس إدارة مجموعة شركات كريستال مايند، عن تفاصيل مشاركة المجموعة في معرض كافكس 2025، المقرر انطلاقه من 19 حتى 21 مايو الجاري، بمركز مصر للمعارض الدولية بالقاهرة.
وأكد أن الشركة تستعد للكشف عن حلول مبتكرة تدعم التحول الرقمي في قطاع المطاعم والكافيهات، وتحديدًا عبر إطلاق برنامج كريستال باي الجديد، والذي يُعد أول نظام سحابي مصري بالكامل يقدم حلولًا ذكية على مستوى عالمي.
كريستال باي.. أول برنامج سحابي مصري بمعايير عالمية
صرّح المهندس تامر محمد قائلاً:
“إحنا في كريستال مايند فخورين إننا بنقدّم أول برنامج مصري 100% لإدارة المطاعم والكافيهات مبني على الحوسبة السحابية. البرنامج ده معمول بأيد مصرية خالصة من شباب مبرمجين داخل كريستال مايند وكريستال باي.”
وأضاف:
“البرنامج متكامل مع أنظمة الدفع الإلكتروني والفاتورة الإلكترونية، وبيشتغل على المتطلبات اللي الدولة بتحطها علشان يبقى كل شغل المطاعم قانوني ومنضبط”.
دعم كامل لأصحاب المطاعم والكافيهات في مصر والخارج
وخلال المداخلة، أوضح نائب رئيس مجلس الإدارة أن البرنامج يخدم أصحاب الأعمال سواء في مصر أو خارجها، قائلًا:
“صاحب أي مطعم يقدر يتابع شغله لحظة بلحظة، يشوف الأرباح، يعرف أكتر الأصناف طلبًا، يتابع جودة الطلبات، وحتى المقادير علشان الطعم يفضل ثابت”.
كما أشار إلى أن البرنامج يخاطب الشركات الناشئة في قطاع المطاعم، ويوفر لهم إمكانية النمو والتحكم الكامل في العمليات اليومية.
قصة نجاح مشتركة بين كريستال مايند وإيتوال
أوضح المهندس تامر أن كريستال مايند تشارك هذا العام في كافكس بالشراكة مع مجموعة إيتوال، واحدة من أكبر علامات الحلويات في الشرق الأوسط، قائلًا:
“بنقدّم في كافكس قصة نجاح حقيقية مع شركة إيتوال، اللي عندها أكتر من 60 فرع ومصانع في مصر والسعودية. اشتغلنا معاهم أكتر من 3 سنين علشان نخلق منظومة رقمية متكاملة، وكل الفروع بتشتغل بتناغم وبتشارك نفس البيانات.”
وأضاف: “النهاردة كل فروع إيتوال سواء في مصر أو السعودية بتشتغل بنفس الكفاءة، وده حصل بفضل الشغل المشترك بيننا وبينهم.”
دعم للتحول الرقمي وتوطين التكنولوجيا في مصر
أكد تامر محمد أن ما يميز كريستال باي هو أنه يقدم نفس جودة البرمجيات العالمية ولكن بتكلفة أقل وبخدمة محلية، مضيفًا:
“إحنا بنقدّم نظام متكامل بيخدم المطاعم الكبيرة والصغيرة، وبيغطي كل الاحتياجات من أول الطلبات لحد تقارير الأداء وتحليل الأرباح”.
وختم حديثه قائلًا:
“بنشجع كل العاملين في مجال الضيافة يزورونا في كافكس علشان يشوفوا إزاي التحول الرقمي ممكن يغيّر شغلهم تمامًا. وده دورنا كشركة وطنية هدفها تمكين التكنولوجيا في مصر”.
