Sigma-Fit تشارك في اكبر معرض عالمي للفضاء وتناقش ورقه بحثية عن تنظيم درجة حرارة بدل رواد الفضاء
أعلنت Sigma-Fit عن مشاركتها في اكبر معرض للفضاء في العالم للمرة الثانية لمناقشه ورقه بحثيه عن تقنيات التبريد للقماش لتنظيم درجة حرارة رواد الفضاء داخل بدله الفضاء، وفقا لما قاله عمر المنير، مؤسس ورئيس مجلس إدارة سيجما فيت والخبير في الذكاء الاصطناعي عبر صفحته على لينكد إن.
واضاف منير، قائلا “بس ورا العنوان ده حاجه اكبر بكتير الحقيقه خليني اشرح.. في رياده الأعمال مش محتاج كل فكره عندك تبقي ناجحه انت محتاج تبقي ناجح مره واحده بس بس صح وهو ده الي بنراهن عليه في مستقبل Sigma-Fit وهو أن تقنيات تنظيم الحراره في القماش هتغير العالم في المستقبل.
ارتفاع درجات حرارة الارض وأزمات الطاقة
وتابع، الانسان من اول خلقه وهو الطبيعه الي مسيطره عليه في موضوع الجو فهو الي دايما كان لازم يبرد أو يدفي جسمه عشان يعرف يعيش ولكن مع تقدم الحضاره بدأنا نعمل مباني ونتحكم احنا في البيئه المحيطه حوالينا عن طريق تبريدها أو تدفءتها ، ولكن ارتفاع درجات حراره الارض وأزمات الطاقه اللازمه لتكييف الهواء لازم كمان نبتكر تكنولوجيات تقدر تتحكم في حراره جسمنا اي وقت عشان الاحتباس الحراري الي داخل علينا.
وأكد على ان البرد أو الحر عامل ممكن ياثر علي مجتمعاتنا وثقافتنا وانتجايتنا فكر في نفسك وانت حران بتبقي عامل ازاي ؟ او وانت بردان بتبقي ضعيف ازاي تخيل لو نقدر في المستقبل نتحكم في ده ؟.
تقنيات حديثة
واشار قائلا: احنا في Sigma-Fit عندنا تقنيات تبريد ب Grades مختلفه من اول العميل العادي الي بيجيب مننا لبس رياضي فعندنا قماشه موجوده اسمها ال Nimble وديه ال Best sellers عندنا الي جربها عارف احساس انها ازاي بتسقع وبتعدي الهواء وبتحسسك انك مش لابس حاجه والتكنولوجيا الي بعدها هي ال Cooling Towel الي لو اتبلت درجه حرارتها بتنزل لحد ١٠ مؤيه حتي لو قلتها بمياه مغليه وتكنولوجيات أخري ولكن التكنولوجيات ديه محتاجين حاجات أعقد منها بكتير للفضاء تقدروا تشوفوها في الصور.
تبريد بدل رواد الفضاء من الداخل
التكنولوجيا الحاليه لتبريد بدل الفضاء من الداخل معتمده علي تبريد المياه ال ventilation وده هيبقي صعب جدا في المهمات الطويله زي المريخ الي هو حلمنا الاول والاخير فاحنا محتاجين قماشه بتقدر تبرد بطرق تانيه خالص وده ان شاء الله الي هناقشه وهبقي متحدث رسمي في ال IAC في Milan بكره أن شاء الله بتكلم عنه في ورقتنا البحثيه.
المؤتمر يقام في ايطاليا
الحاجه التانيه وهي بالنسبه لينا طار وحاجه نثبتها لنفسنا هي أننا الزي الرسمي لتنظيم المؤتمر السنه ديه في ايطاليا ، المؤتمر ده الدوله الي بتنال شرف تنظيمه بتبقي حاجه كبيره جدا ورئيس الدوله هو الي بيفتتحه في أغلب الأحيان لأن بيعكس قوه البلد في صناعه الفضاء وبما أن كل دوله دائما بتعتذ بالشركات الي عندها زي محصل في ال Olympics وبيلبسوا من شركاتهم “طبعا مصر ملهاش دعوه بالكلام ده” كان لازم نبهرهم وناخد احنا ال Deal قدام اي حد تاني ولو مصر معتذتش بينا في ال Olympics فهنخلي الايطاليين هم الي يلبسوا من مصر تحت اي ظرف والحمد لله وقد كان.
شكرا للفريق
انا عايز اشكر التيم بتاعنا الي مفيش منه تاني في العرب وأفريقيا وعايز اشكر بالاخص ال World Class designer بتاعتنا Manar El-Garf علي الديزاين و البرنسيسه بتاعتنا الي سبب في معظم الي بيحصل عندنا في صناعه الفضاء والي عامله كل شغل البحث @aya hesham واكيد تيم التصنيع وباقي التيمز واحد واحد
اتمني أن ده يكون سبب في فرحتنا كلنا مش تيم Sigma-Fit بس اننا عندنا شركه من مصر قادره تدخل مع شركات وحكومات آلاف اضعاف حجمها كتف في كتف.
